Годны Дзень Волі 2020!

Годны Дзень Волі 2020!

Transactions are temporarily blocked by a decision of Belgazprombank management.
Абставіны ў Беларусі і свеце вымусілі ўсіх заяўнікаў масавых мерапрыемстваў да Дня Волі адмовіцца ад сваіх планаў. Каманда БНР100 таксама рыхтавала некалькі мерапрыемстваў з нагоды 102-й гадавіны абвяшчэння незалежнасці Беларускай Народнай Рэспублікі, але спыніла іх падрыхтоўку.

Так сталася, што і ў 2018, і ў 2019 годзе ў нас атрымалася зрабіць тое, што і самім здавалася практычна немагчымым. І зараз мы не можам проста скласці рук і казаць, што ўсё дрэнна. Таму мы вырашылі не пакідаць беларусаў без свята на Дзень Волі і арганізаваць адзначэнне БНР102 у фармаце анлайн-свята «Годны Дзень Волі» з удзелам вядомых беларускіх дзеячаў культуры, грамадскіх актывістаў і музычных гуртоў.

Гэта будзе новы і ўнікальны для нас досвед арганізацыі свята ў абсалютна незвычайных умовах. Наша задача з дапамогай сучасных новых медыя аб’яднаць беларусаў у розных кутках Зямлі і праз анлайн-трансляцыю з насычанай праграмай і цікавымі гасцямі злучыць агульным сігналам беларусаў для якіх Дзень Волі — галоўнае нацыянальнае свята, стварыць атмасферу еднасці, салідарнасці годнасці.

Спадзяемся, што трансляцыю падхопяць папулярныя беларускія СМІ і блогеры, а беларусы падтрымаюць фінансава яе арганізацыю.

Сродкі патрэбныя на:
- арэнду пляцоўкі і відэа-абсталявання для трансляцыі,
- арэнду музычнага абсталявання,
- афармленне студыі,
- прасоўванне падзеі ў сацыяльных сетках,
- дызайнерскую працу,
- лагістыку,
- здымкі ролікаў і сюжэтаў, якія папулярызуюць Дзень Волі і БНР,
- правядзенне інфармацыйнай кампаніі па папулярызацыі фарматаў самастойнага адзначэння Дня Волі і іншыя спадарожныя выдаткі.

Як і ў мінулыя гады, мы збіраем грошы толькі на бягучыя выдаткі, без заробкаў і ганарараў для каманды арганізатараў.

Давайце разам і годна адзначым Дзень Волі 2020 і БНР102.

Уся падрабязная інфармацыя на http://hodna.by і http://bnr.by

Хто знаходзіцца не ў Беларусі, мае замежныя карткі, можна перавесці сродкі праз збор ахвяраванняў на Facebook: https://www.facebook.com/donate/207869270462838/ (чакаем апрува ад facebook пакуль)
Fundraising platform №1

Fundraising platform №1

MolaMola — the easiest way to raise funds. The first fundraising platform in Belarus.

Discover more
Secure payments

Secure payments

All transactions are secured by Belgazprombank payment system.

Discover more
Customer Support, 24/7

Customer Support, 24/7

Contact is any time, we are happy to help.

Contact Us