#AртПроездной: падтрымайце Галерэю сучаснага мастацтва "Ў"!

#AртПроездной: падтрымайце Галерэю сучаснага мастацтва "Ў"!

This campaign has been verified by MolaMola

Transactions are temporarily blocked by a decision of Belgazprombank management.
Нашы добрыя, любімыя сябры! Мы звяртаемся да вас за падтрымкай.

58-я Венецыянская арт-біенале 2019-га года называлася «May you live in interesting times», што, па іроніі, з'яўляецца перакладам на ангельскую мову старажытнага кітайскага ... праклёну. Зараз мы ўсе знаходзімся ў эпіцэнтры гэтых «interesting times». Мы б нават сказалі, VERY interesting times! Практыка паказвае, што такія часы могуць быць вельмі плённымі для развіцця мастацтва, думкі, эксперыментаў і пошукаў новых нечаканых шляхоў, формаў і сэнсаў. Але, на жаль, яны ж могуць стаць сапраўды цяжкім выпрабаваннем для арт-інстытуцый і людзей, якія задзейнічаны ў гэтай сферы.

Заўсёды няёмка сябе хваліць, але ёсць аб'ектыўныя факты, якімі мы сапраўды ганарымся. Галерэя сучаснага мастацтва "Ў" - гэта найстарэйшая незалежная арт-пляцоўка для лакальнага і міжнароднага культурнага дыялогу, якая мае пятнаццацігадовы досвед працы ў галіне сучаснага мастацтва і больш за дзвесце паспяхова рэалізаваных праектаў у Беларусі і Еўропе з удзелам беларускіх і замежных мастакоў, куратараў і экспертаў, шырокай міжнароднай сеткі інстытуцыйных партнёраў. Мы не раз перамагалі на міжнародных арт-івэнтах, з'яўляліся пляцоўкай для самых смелых эксперыментаў і арт-праектаў, а таксама падзялялі нашу прастору са мноствам адукацыйных, сацыяльных, грамадзянскіх і проста добрых, карысных і сардэчных ініцыятыў.

Мы заўсёды рады падтрымаць любыя стромкія дзвіжухі і творчыя пошукі, за гэты час нам удалося сфармаваць вакол сябе сапраўдны круг сяброў: выдатных мастакоў, партнёраў, спецыялістаў, гледачоў і наведвальнікаў, усіх ВАС! І мы шчыра верым у тое, што ўсё гэта не дарма, што шоЎ мастацтва маст гоў он, што хутка мы зноў адкрыемся для яшчэ больш маштабных і яркіх праектаў, цёплых абдымкаў і любові! Незадоўга да сыходу на каранцін мы рыхтавалі для вас новыя адукацыйныя, культурныя і арт-праекты, якія, па зразумелых прычынах, прыйшлося адкласці і перанесці. І цяпер нам патрэбная дапамога, каб працягнуць над імі працаваць, Планаў у нас сапраўды шмат, але для іх рэалізацыі нам трэба проста застацца ў жывых :)

Сябры, на бліжэйшы час нам жыццёва неабходна сума ў 10 000 рублёў. Гэта той мінімум, з якім мы зможам хоць неяк застацца на плаву і не дазволіць нашай прасторы растварыцца ў прасторы. Гэтыя грошы дазволяць нам несці расходы па падтрыманні прасторы і закрыццю фінансавых абавязкаў, не пазбавіцца натхнення і аптымізму і пасля заканчэння гэтага нялёгкага перыяду сустрэцца з вамі ўсімі на выставах, лекцыях і дыскусіях!

Мы будзем бязмерна ўдзячныя любой дапамозе і нават намеру дапамагчы. Мы любім вас і спадзяемся на ўзаемнасць, падтрымку і цеплыню. Падтрымайце галерэю і іншыя арт-інстытуцыі ў гэтыя, безумоўна, interesting, але вельмі няпростыя times!

Беражыце сябе, заставайцеся здаровымі і не страчвайце аптымізму і як мы добра ведаем - безумоўная любоў і мастацтва спасуць гэты свет!

Безумоўна ваша Галерэя сучаснага мастацтва “Ў”
Fundraising platform №1

Fundraising platform №1

MolaMola — the easiest way to raise funds. The first fundraising platform in Belarus.

Discover more
Secure payments

Secure payments

All transactions are secured by Belgazprombank payment system.

Discover more
Customer Support, 24/7

Customer Support, 24/7

Contact is any time, we are happy to help.

Contact Us